Að búa í skýinu*
Carlos @ 13.03 27/1/08
(getur ekki einhver snarað þessari fyrirsögn yfir á íslensku fyrir mig?)
Ég er eiginlega hissa á Árna að vera ekki búinn að blogga um þessa færslu sjálfur, ég þykist vita að Fraser Speirs er á blogglistanum hans. Í rauninni er þetta stórmerkileg greining hjá Fraser. Við munum ekki bera með okkur öll skjöl heldur geyma það sem ekki er of þungt í vinnslu (eins og óklipptar kvikmyndir og óunnar ljósmyndir) á veflægum diskum. Tölvurnar okkar verða einskonar þunnir biðlarar netþjóna sem geyma allt okkar, og í rauninni þurfum við ekkert nema tiltölulega létta tölvu og lítinn harðan disk.
Við sjáum vísi að þessu í kerfum eins og þessu bloggi, sem krefst einskis hugbúnaðar annan en vafra, eða Google docs, eða Mindmeister, eða Leikjanetið punkur is. Tölvuvinnslan fer fram á miðlaranum, biðlarinn (okkar tölva) leyfir eingöngu innslátt og sýnir það sem við gerum á skjánum. Í rauninni er einskonar iPhone eða lófatölva allt sem þarf – tengja við skjá og lyklaborð og “prestó”. Í raun er þetta ekkert annað en það sem ég sagði hér.
Steven Frank, sem Fraser notaði sem útgangspunkt, segir skýið reyndar “sukka” vegna hægagangs. En hindranir eru nú einu sinni sett til að yfirvinna. Kannski nýja MacBook Air verði til þess að hreinsa upp hægagang skýjafarsins, og það verði næsta “one more thing“.
* Að búa í skýinu = að eiga allt sitt á internetinu.
Ólöf I. Davíðsdóttir @ 27/1/2008 14.52
Hljómar nú eins og skýjaborgir
Hvað með skýjabú – eins og netþjónabú, býflugnabú, mjólkurbú…